Deuxième version
CH_AD_28 *1492
Las casas que solia tener Juan Rodrigues jubetero tiene las Diego de Figares e Maria Gonçales su muger por sus vidas e de un heredero por presçio de tres mill e çiento e çinquenta mrs. e siete pate pares de gallinas. Han por lynderos de la una parte las casas sobredichas e de la otra parte casas de la dicha santa yglesia que tiene Alfon Garçia calçetero.
En xviii° dias del dicho mes de junio del dicho anno de noventa annos los venerables sennores Cristoval de Villaminaya e Alvar Peres de Montemayor canonigos e vesitadores /112 r°/ [de las] posisiones de la santa yglesia de Toledo deslyndaron estas casas e fallose en ellas una casa puerta en que ay ocho varas e media en largo e çinco en ancho con un sotano debaxo de su tamanno e tiene dos soberados enos ensomo que ha en el primero nueve varas e quarta en largo e çinco en ancho e otro ensomo de su tamanno, mas adentro un patyn ladrillado en que ay çinco varas en largo e quatro en ancho con una quadra enfruente en que ay siete varas en largo e otras siete en ancho con un sotano debaxo muy gentil e muy claro que tiene otra puerta que sale a otro cuerpo de casas de Sant Climente en que ay siete varas e media en largo e siete en ancho, tiene sobre la dicha quadra otro soberado de su tamanno e quatro corredores que andan al derredor del patyn con una açutea ensomo de todo cubierta que tiene tres varas e media en largo e otras tres e media en ancho. De que fueron testigos Diego de Obregon e Diego Serrano criados del dicho sennor Alvar Peres. (signé) Juan de Mayorga notario apostolico.
Première version
CH_AD_28 *1439
Las casas que solia tener pero martines el Romo tienelas Juan sanches de burgos pelligero e su muger leonor ferrandes cada Año por mill maravedis e tomolas en el dia de santa maria de Agosto Año de çinco Años.
En syete dias de mayo Año de 1439 Años fueron deslindadas estas casas por Juan dias Raçionero e mayordomo de la eglesia de toledo, e ha por linderos de cada parte casas de la dicha eglesia. Et tiene en la entrada un portal grande que ha en luengo dose varas e media e en Ancho quatro varas e media. Et debaxo del tiene un sotano de su mesma medida. Et ensomo deste dicho portal tiene dos suelos uno sobre otro e el primero ha en luengo tres varas media e en ancho quatro baras e media. Et el otro suelo en que ha una camara e una açotea de la medida del primero suelo. Et Allende del dicho Portal esta un palaçio quadrado que ha en luengo syete varas e media e syete varas en Ancho e debaxo un sotano Junto con el dicho portal de la medida del dicho palaçio. Et ensomo deste palaçio estan dos camaras de su mesma medida, Anbas en un suelo. Testigos Juan Rodrigues de salamanca capellan e alfonso garçia Jubetero.
(firmado) Ludovicus Luppi apostolico e ordinario notario.
Comparateur de versions
Le comparateur des versions présente, dans une fenêtre double, le texte utilisé comme base de la réécriture par l'auteur (à gauche) et la version résultant de son travail de révision (à droite).
Dans le corps des textes, les segments modifiés sont colorés selon leur appartenance à l'une des quatre opérations fondamentales de l'écriture :
remplacement
insertion
suppression
déplacement
À droite des textes, on trouve encore l'inventaire des transformations.
Le logiciel offre deux différentes modalités de navigation dans les textes.
1. | Le clic sur un segment invariant dans l'une ou l'autre fenêtre (grisé au survol du pointeur) entraîne l'alignement des deux versions en ce point. |
2. | L'inventaire des transformations permet également le repérage dans les textes des segments variants. |