/input/maison-16-1492-CH_CO_02.txt
$0865$*CH_CO_02*1492[côté droit] Las casas que seque se dizen de abaxo que tenia Marcos Dias de Mondejar, tienelas Pedro Ortiz por su vida por presçio de mill e ochoçientos mrs. e quatro pares de gallinas. Han por linderos de la parte de abaxo casas de la dicha iglesia e de la parte de arriba casas del ospital de Sant Pedro.En xxii dias del dicho mes de março del dicho anno de noventa e dos annos los sennores Cristoval de Villaminaya e Alvar Peres de Montemayor canonigos en la santa iglesia de Toledo vesitadores de las posisiones de la dicha santa iglesia e en presençia del notario e de los testigos de yuso escriptos vesitaron estas casas e fallose a la entrada un corral e a la mano derecha del esta una casa çenzilla atajado por medio la meytad fecha establo e la otra meytad cosina, ha todo en luengo siete varas e en ancho tres varas e media, adelante esta un patin pequenno ladrillado e frontero del esta un palaçio que ha en luengo ocho varas /f° 15 r°/ e ancho quatro varas, ensomo del dos suelos uno sobre otro, el primero de su tamanno e el segundo mas largo que tiene en luengo dose varas e en ancho quatro, dentro deste palaçio esta un sotano que ha en luengo seys varas e en ancho tres varas, lo de ençima del es del ospital de Sant Pedro, a la mano ysquierda del dicho patinejo esta otro palaçio que ha en luengo dies varas e media e en ancho quatro, e ensomo del una camara de su tamanno. Iten en el corral primero defruente de la puerta de la calle esta otro palaçio que ha en luengo dies varas e en ancho quatro varas, ensomo del una camara de su tamanno. Iten a la mano ysquierda de la dicha entrada esta otra casa bodega que ha en luengo seys varas e media e en ancho quatro varas e media, ensomo dos suelos unos sobre otro de su tamanno que los manda agora el sennor nunçio don Françisco Ortis por su casa prinçipal del adarbe del atocha. De que fueron testigos Diego de Obregon e Françisco de Morales criados de los dichos sennores. (signé) Juan de Mayorga notario apostolico.
  /input/maison-16-1439-CH_CO_02.txt
$0014$*CH_CO_02*1439Las casas debaxo que solia tener alfonso garçia dotor que sale la puerta a cal de Açaquanes tienelas Juan gonçales Recuero por preçio de mill e trezientos e tresynta e un maravedis tomolas e veynte dias del mes de Junio Año de 34 Años.En seys dias de março Año de 1439 años fueron deslindadas las casas suso dichas por pero gonçales de ocaña canonigo e por Juan dias rraçionero e mayordomo de la eglesia de toledo por ante mi Juan gonçales cornejo canonigo e notario e testigos yuso escriptos las quales son en la calle de los açacanes e deslindat de la parte debaxo con casas de la eglesia de toledo e de la otra parte con el ospital de santo pedro Et lo que se fallo en ellas es esto: primeramente en la entrada a la mano derecha una casa portal senzillo cabe el pozo que ha en luengo siete varas e tres e media en ancho. Et luego cabo el un palaçio doblado con dos camaras sobre el que ha en luengo el palaçio ocho varas e quatro en ancho. Et la primera camara de ensomo del es de la mesma longura e ancha del dicho palaçio. Et la segunda camara ha en luengo onze varas e quatro en ancho. Et cabe el dicho palaçio esta una bodega con su viga de piedra e lagar que ha en luengo diez varas e quatro en ancho. Et ensomo de la dicha bodega un portal de esa mesma longura e anchura. Et de frente de la entrada esta un palaçio doblado de diez varas en luengo e quatro en ancho. Et la camara de ençima del de esa mesma longura e anchura. Et a la parte esquierda de la entrada esta una casa establo que esta so las casas de la dicha eglesia que tiene don pero Ramires maestrescuela de toledo que ha en luengo seys varas e media e quatro e media en ancho. Et en el primer palaçio suso designado que tiene las dos camaras ensomo dentro en el dicho palaçio defrente de la puerta esta un sotano quasi egual del suelo del dicho palaçio que ha en luengo seys varas e tres en ancho. Testigos presentes alonso ortis thesorero de santa leocadia extramuros e alonso gonçales capellan de la dicha eglesia de toledo, el pozo de la dicha casa esta en el corral e es manantio.( Iohanes martinus ) Iohanes martinus notario Canonicus Toletanus.( marcos dias ) marcos dias.
Comparateur de versions

Le comparateur des versions présente, dans une fenêtre double, le texte utilisé comme base de la réécriture par l'auteur (à gauche) et la version résultant de son travail de révision (à droite).

Dans le corps des textes, les segments modifiés sont colorés selon leur appartenance à l'une des quatre opérations fondamentales de l'écriture :

remplacement   insertion   suppression   déplacement

À droite des textes, on trouve encore l'inventaire des transformations.


Le logiciel offre deux différentes modalités de navigation dans les textes.
1.Le clic sur un segment invariant dans l'une ou l'autre fenêtre (grisé au survol du pointeur) entraîne l'alignement des deux versions en ce point.
2.L'inventaire des transformations permet également le repérage dans les textes des segments variants.

Il semble que votre navigateur par défaut ne supporte pas ce logiciel.


Pour remédier à cela procédez comme suit :

1. Téléchargez une copie de Mozilla Firefox ou de Google Chrome.

2. Ouvrez une fenêtre du navigateur que vous venez de télécharger.

3. Ouvrez le disque et glissez-déposez le fichier index.html sur la fenêtre du navigateur.