/input/maison-27-1492-CH_DO_07.txt
$0880$*CH_DO_07*1492Las otras casas junto con estas que mora el dicho Angel Rodrigues, tienelas por su vida e de su muger e de un fijo por presçio cada anno de mill dosientos mrs. e tres pares de gallinas.En xxiii dias del dicho mes de março del dicho anno de noventa e dos annos los dichos sennores vesitadores de las posisiones de la santa iglesia de Toledo en presençia del notario e de los testigos ynfra escriptos vesitaron estas casas e fallose en ellas a la entrada un portal que ha en luengo seys varas e terçia e en ancho tres e terçio e en somo del una cosina de su tamanno, luego esta un patin e a la mano derecha del esta un palaçio que ha en luengo honse varas e en ancho tres varas e media, ensomo del una camara de su tamanno e debaxo un sotano del mismo tamanno. Iten frontero del dicho patin esta una quadra çenzilla que ha en luengo nueve varas e quarta e en ancho çinco /f° 22 r°/ varas e debaxo dellas otro tanto. Iten a la mano ysquierda del dicho patin esta un portal, es comedor que ha en luengo siete varas e en ancho dos varas e media, ensomo del un corredor de su tamanno, a la hazera de la entrada esta una camara que ha en luengo siete varas e en ancho quatro varas ensomo della otra camara de su tamanno. De que fueron testigos presentes Diego de Obregon e Françisco de Morales criados de los dichos sennores. (signé) Juan de Mayorga notario apostolico.
  /input/maison-27-1439-CH_DO_07.txt
$0007$*CH_DO_07*1439Las casas que solia tener el dean de avilla con las casas que salen Ayuso al adarve de canonigos tienelas Juan ferrandes bachiller allcalde de la Justiçia por preçio de mill e çient maravedis tomolas en diez dias del mes de noviembre Año de 30 Años.En nueve dias de março año de 1439 Años fueron designadas las casas suso dichas las quales son el adarve del moxito que disen e sale al pozo amargo por Juan dies rraçionero e mayordomo de la dicha eglesia de toledo por ante mi Juan gonçalez cornejo canonigo e notario suso escriptos. Las quales deslindan con casas de la dicha eglesia de toledo que fueron de ferrand sanchez? rraçionero e de la otra con casas de Loys gonçales notario e fueron de Juan lopes allcalde que fue de la Justiçia lo que se fallo en ellas es esto que se sygue: primeramente luego en la entrada un portal que ha en luengo seys varas e media e tres e ancho. Et una camarilla ensomo de esa mesma longura e anchura Et cabe el en la mano esquierda un establo que ha en luengo seys varas e en ancho tres con una camara ensomo de su tamaño. Et dentro en el patin un palaçio con dos gradas senzillo que ha en luengo dose varas e tres e media en ancho. Et luego cabe el otro palaçio senzillo con un marmol en la portada entre Amas puertas que ha en luengo nueve varas e quatro e media en ancho. Et luego de dentro una grant quadra que entran a ella por el dicho patin que ha en luengo onze varas e çinco en ancho. Et adelante della una açutea como corredor en egual de la dicha quadra que salle al adarve de canonigos. Et es sobre las casillas que andan con las dichas casas que sale la puerta dellas al dicho adarve de canonigos e ha el dicho corredor e açutea en luengo syete varas e dos e media en ancho. Et en esta quadra esta un sotanillo que tiene la entrada cabe la puerta de la entrada de la dicha quadra que ha çinco varas en luengo e tres e media en ancho. Et mas en el dicho patin un pozo e una casa con una camara ençima que ha en luengo seys varas e media e tres e media en ancho. Et la dicha camara de esa mesma longura e anchura Et dentro en ella otra camara que es parte della sobre la quadra que ha çinco varas e media en luengo e tres e media en ancho. Et mas un sotano grande que toma Amos A dos los palaçios. Et en las casillas debaxo que sale la puerta( Son las que mora Angel Rodrigues y todo lo que de aqui falta esta metido en la que mora Juan sanches de bryuega al Adarve de Canonigos dellas que andan con estas ha un palaçio de frente de la puerta que ha en luengo ocho varas e tres e media en ancho e otro palaçio senzillo a la mano esquierda que ha en luengo seys varas e media e tres e media en ancho e a la mano derecha otro palaçio como sotano que ha en luengo nueve varas e media e çinco en ancho ) Son las que mora Angel Rodrigues y todo lo que de aqui falta esta metido en la que mora Juan sanches de bryuega al Adarve de Canonigos dellas al adarve de canonigos que andan con estas ha un palaçio de frente de la puerta que ha en luengo ocho varas e tres e media en ancho e otro palaçio senzillo a la mano esquierda que ha en luengo seys varas e media e tres e media en ancho e a la mano derecha otro palaçio como sotano que ha en luengo nueve varas e media e çinco en ancho. Et dentro en el un albahur deslindan estas casillas con casas de herederos de martin gonçalez carniçero. Testigos alfonso ortiz thesorero e diego garçia cura capellanes suso dichos.( Iohanes martinus ) Iohanes martinus notario Canonicus Toletanus.
Comparateur de versions

Le comparateur des versions présente, dans une fenêtre double, le texte utilisé comme base de la réécriture par l'auteur (à gauche) et la version résultant de son travail de révision (à droite).

Dans le corps des textes, les segments modifiés sont colorés selon leur appartenance à l'une des quatre opérations fondamentales de l'écriture :

remplacement   insertion   suppression   déplacement

À droite des textes, on trouve encore l'inventaire des transformations.


Le logiciel offre deux différentes modalités de navigation dans les textes.
1.Le clic sur un segment invariant dans l'une ou l'autre fenêtre (grisé au survol du pointeur) entraîne l'alignement des deux versions en ce point.
2.L'inventaire des transformations permet également le repérage dans les textes des segments variants.

Il semble que votre navigateur par défaut ne supporte pas ce logiciel.


Pour remédier à cela procédez comme suit :

1. Téléchargez une copie de Mozilla Firefox ou de Google Chrome.

2. Ouvrez une fenêtre du navigateur que vous venez de télécharger.

3. Ouvrez le disque et glissez-déposez le fichier index.html sur la fenêtre du navigateur.
 
    
 
 

Déplacements [12] Blocs communs [29]