/input/maison-38-1492-CH_DO_23.txt
$0895$*CH_DO_23*1492Las casas que tenia Juan Gonçales cura de Sant Lorençe por su vida, tienelas agora Pedro Sanches de Madrid por su vida por presçio de dos mill e quinientos mrs. e çinco pares de gallinas, linderos de la una parte casas de la iglesia e de la otra parte casas de Ruy Gonçales carpintero [ex. D-22].En ii dias del dicho mes de abril del dicho anno de noventa e dos annos los dichos sennores vesitadores de las posisiones de la santa iglesia de Toledo e en presençia del notario e de los testigos ynfra escriptos vesitaron estas casas e fallose en ellas /28 v°/ a la entrada un portal que ha en luengo siete varas e varas e terçia e en ancho tres varas e media e ensomo una cosina de su tamanno. A la mano ysquierda deste portal esta un establo que ha en luengo ocho varas e en ancho tres varas e terçia. Adelante esta un portal que ha en luengo çinco varas e en ancho tres varas e terçia. Adelante esta un portal que ha en luengo çinco varas [vérifier] e en ancho quatro varas e media e ensomo una camara de su tamanno. Adelante esta un trascorral con su puerta a la calle, que ha en luengo çinco varas e media e en ancho çinco varas, e frontero esta un palaçio que ha en luengo quatro varas e media e en ancho dos varas e dos terçias e ensomo una camara de su tamanno. Iten en el en el patin prinçipal a la mano ysquierda del esta un portal e en el esta una quadra que ha en luengo seys varas e terçia e en ancho çinco varas. Adelante esta un lugar de tinajas e luego esta una despensa que ha en luengo çinco varas e dos terçias e en ancho tres varas e media e ensomo desta quadra e desta despensa esta una camara de su tamanno. Iten adelante esta un portal que ha en luengo nueve varas e en ancho tres varas e media e ensomo una camara de su tamanno. Iten frontero esta un palaçio que ha en luengo diez varas e media e en ancho quatro varas e ensomo una camara de su tamanno. De que fueron testigos los dichos Diego de Obregon e Françisco de Morales criados de los dichos sennores. (signé) Juan de Mayorga notario apostolico.
  /input/maison-38-1439-CH_DO_23.txt
$0018$*CH_DO_23*1439Imagen 23, Fol.13 r:Las casas que solia tener martin ferrandes notario tienelas Luys gonçalez notario por preçio de mill e quatroçientos maravedis cada año e tomolas en treze de agosto año de 38. Son cabe la casa del tardon cabe el pozo amargo.En seys dias de março año de 1439 años fueron designadas las casas suso dichas por pero gonçalez de ocaña canonigo e Juan diaz rraçionero de toledo por ante mi Juan gonzalez cornejo canonigo notario e testigos yuso escriptos lo que se fallo en ellas es esto: primeramente en la entrada un portal casa puerta e sobre el una cozina e luego a la mano esquierda un establo que ha en luengo nueve varas e media e en ancho tres varas e terçia. Et sobre el una camara de su tamaño. Et açerca della otra camara ençima del pozo de su tamaño. Et luego en el primero patio un palaçio que es doblado que ha en luengo seys varas e media e quatro en ancho. Et una camara ensomo de su tamaño. Et en el patio segundo A la mano esquierda un palaçio doblado que ha en luengo ocho varas e quatro varas en ancho. Et una camara ensomo del de su tamaño e con corredorçillo delante. Et otro palaçio mayor defrente con dos gradas doblado que ha en luengo catorze varas e en ancho quatro. Et la camara de sobre el de su anchura e de yuso del un buen sotano para vino de esa mesma longura e anchura e açerca del dicho palaçio un portal pequeño ladrillado. Et en la cozina que es sobre el portal de la entrada ha en luengo syete varas e quatro en ancho. Et al rrencon del dicho portal do cabe el dicho portal palaçio mayor esta una casilla para espensa pequeña. Et sobre el portal del dicho segundo patio esta una açutea descubierta e corredores pequeños en este patin e ha en el primero patin un pozo de luvia (sic). Testigos presentes alfonso ortiz thesorero de santa Leocadia extramuros e alonso gonçalez capellan de la dicha eglesia de toledo deslindan estas casas de Amas partes con casas de la dicha eglesia de toledo.( Iohanes martinus ) Iohanes martinus notario Canonicus Toletanus.
Comparateur de versions

Le comparateur des versions présente, dans une fenêtre double, le texte utilisé comme base de la réécriture par l'auteur (à gauche) et la version résultant de son travail de révision (à droite).

Dans le corps des textes, les segments modifiés sont colorés selon leur appartenance à l'une des quatre opérations fondamentales de l'écriture :

remplacement   insertion   suppression   déplacement

À droite des textes, on trouve encore l'inventaire des transformations.


Le logiciel offre deux différentes modalités de navigation dans les textes.
1.Le clic sur un segment invariant dans l'une ou l'autre fenêtre (grisé au survol du pointeur) entraîne l'alignement des deux versions en ce point.
2.L'inventaire des transformations permet également le repérage dans les textes des segments variants.

Il semble que votre navigateur par défaut ne supporte pas ce logiciel.


Pour remédier à cela procédez comme suit :

1. Téléchargez une copie de Mozilla Firefox ou de Google Chrome.

2. Ouvrez une fenêtre du navigateur que vous venez de télécharger.

3. Ouvrez le disque et glissez-déposez le fichier index.html sur la fenêtre du navigateur.