/input/maison-100-1492-CH_VO_01.txt
$01033$*CH_VO_01*1492Las casas que solia tener Pedro Gonçales Menayre, tienelas agora Mari Alvares la muger de Alvar Gonçales por su vida por presçio en cada una anno de mill e dosientos e çinquenta mrs. e dos pares de gallinas. Han por linderos de la una parte casas de la iglesia e de la otra el adarbe del arçobispo.En dies e ocho dias del mes de mayo del dicho anno de noventa e un annos el venerable sennor Alvar Peres de Montemayor canonigo e vesitador de las posisiones de la santa yglesia de Toledo deslindo estas casas e son las primeras deste barrio. Tienen en la entrada un portal que ha en luengo quatro varas e en ancho otras quatro e ensomo del tiene tres suelos uno sobre otro, el primero es de la medida del dicho portal e el segundo ha en luengo çinco varas e en ancho quatro varas e media con un callejon que va sobre la puerta e en el terçero ha en luengo ocho varas e en ancho quatro varas e media, e luego en entrando al patin esta un portal que ha en luengo çinco varas e media e en ancho dos varas e media e ensomo del tiene dos portales uno sobre otro, e el primero desta medida e el segundo ha en luengo çinco varas e en ancho tres e media, e luego a la mano ysquierda del patin esta una cosina que ha en luengo nueve varas /f° 80 r°/ e en ancho dos varas e ensomo della otra cosina de su longura e en ancho tres varas e media, e luego enfruente tiene un palaçio que ha en luengo dose varas e en ancho tres varas e ensomo del una camara de su longura e en ancho quatro varas e media e a la mano derecha del dicho patin tiene otro palaçio con su alhania e ha en luengo dose varas e en ancho quatro varas e ensomo del una camara de su tamanno. Esto conçierta con el libro viejo. Tiene mas un sotano que tiene dose varas en largo e tres en ancho con dos puertas a la calle. Este sotano non estava en el libro viejo. Que fueron testigos Anton de Mesa criado del sennor Cristoval de Villaminaya e Diego de Obregon criado del dicho sennor Alvar Peres. (signé) Juan de Mayorga notario apostolico.
  /input/maison-100-1439-CH_VO_01.txt
$0118$*CH_VO_01*1439Las casas que tenia pero gonçales menayre tienelas mari gonçales su muger por preçio de seteçientos e seys maravedis e tomolas en 28 dias de mayo Año de 18 Años.En 18 dias de mayo Año de 1439 Años fueron deslindadas estas casas por Juan gonçales cornejo canonigo e Juan dias rraçionero e mayordomos de la eglesia de toledo. Et han por linderos de la una parte casas de la eglesia e de la otra parte el Adarve del Arçobispo. Et tiene en la entrada un portal que ha en luengo quatro varas e en Ancho otras quatro. Et ensomo del tiene tres suelos uno sobre otro. Et el primero es de la medida del dicho portal, Et el segundo ha en luengo çinco varas e en Ancho quatro varas e media con un callejon que va sobre la puerta. Et en el terçero ha en luengo ocho varas e en Ancho quatro varas e media. Et luego entrando Al patin esta un portal que ha en luengo çinco varas e media e en Ancho dos varas e media. Et ensomo del tiene dos portales uno sobre otro, el primero es desta medida, Et el segundo ha en luengo çinco varas e en Ancho tres varas e media. Et luego A la mano esquierda del patin esta una cosina que ha en luengo nueve varas e en Ancho dos varas Et ensomo della otra cosina de su longura e en Ancho tres varas e media. Et luego en fruente tiene un palaçio que ha en luengo syete varas e en Ancho tres varas. Et ensomo del una camara de su longura e en Ancho quatro varas e media. Et A la mano derecha del dicho patin tiene otro palaçio con su Alhania e ha en luengo dose varas e en Ancho quatro varas. Et ensomo del una camara de su tamaño. Testigos diego martines capellan e Alvar gonçales platero.( Ludovicus Luppi ) Ludovicus Luppi apostolico e ordinario notario.
Comparateur de versions

Le comparateur des versions présente, dans une fenêtre double, le texte utilisé comme base de la réécriture par l'auteur (à gauche) et la version résultant de son travail de révision (à droite).

Dans le corps des textes, les segments modifiés sont colorés selon leur appartenance à l'une des quatre opérations fondamentales de l'écriture :

remplacement   insertion   suppression   déplacement

À droite des textes, on trouve encore l'inventaire des transformations.


Le logiciel offre deux différentes modalités de navigation dans les textes.
1.Le clic sur un segment invariant dans l'une ou l'autre fenêtre (grisé au survol du pointeur) entraîne l'alignement des deux versions en ce point.
2.L'inventaire des transformations permet également le repérage dans les textes des segments variants.

Il semble que votre navigateur par défaut ne supporte pas ce logiciel.


Pour remédier à cela procédez comme suit :

1. Téléchargez une copie de Mozilla Firefox ou de Google Chrome.

2. Ouvrez une fenêtre du navigateur que vous venez de télécharger.

3. Ouvrez le disque et glissez-déposez le fichier index.html sur la fenêtre du navigateur.