CH_ AC _38 *1439

El mesonçillo que se tiene con el meson que tenia pero sanches de meçina sastre tienelo catalina garçia muger de Juan garçia cannadero çenso cada Año sesenta maravedis.

En 28 de Abril Año de 1439 fue deslindado este meson por Juan gonçales canonigo e Juan dias Raçionero mayordomos de la eglesia de toledo. Et tiene en la entrada dos puertas que salen A la calle con un portal que ha en luengo syete varas e en Ancho quatro varas. Et en fruente tiene una casa bodega e ha en luengo nueve varas e media e en Ancho seys varas. Et ensomo de las dichas dos puertas e portal tiene una camara que ha en luengo syete varas e en ancho çinco varas. Item tiene ensomo de la dicha casa bodega e de su longura e Anchura una camara. Testigos diego martines e Alfonso sastre. Linderos de la una parte casas de la eglesia de toledo e de la otra parte casas de diego lopes çapatero.

(firmado) Ludovicus Luppi apostolico e ordinario notario.

CH_AD_38 *1492

Las casas que solia tener Diego de Figares, tienelas agora Diego de Villarreal por tres vidas por presçio de çinco mill e quinientos mrs. e honse pares de gallinas. Han por linderos de la una parte casas de Ferrando de Ruyseco canbiador e de la otra parte casa tributarias a Santa Clara.

En xxi dias del dicho mes de junio del dicho anno de noventa e un annos los venerables sennores Cristoval de Villaminaya e Alvar Peres de Montemayor canonigos e vesitadores de las  posisiones de la santa yglesia de Toledo deslindaron estas casas e fallose en ellas un portal grande metydo en otro portal en que ay trese varas en largo e tres e media en ancho en lo mas ancho con dos soberados ensomo, en que ay en el primero trese varas e media en largo e tres e media en ancho e mas adentro otro portal pequenno en que ay tres varas e media en largo e tres en ancho con otros /f° 116 r°/ dos soberados ensomo de su tamanno e tyene a la mano derecha una quadra en que ay seys varas en lago e çinco e media en ancho con un sotano debaxo de su tamanno e dos soberados ensomo de la dicha quadra de al tanto, ay frontero un palaçio en que ay trese varas en largo e tres e media en ancho con dos soberados ensomo de al tanto. De que fueron testigos Diego de Obregon e Diego Serrano criados del dicho sennor Alvar Peres. (signé) Juan de Mayorga notario apostolico.

 (abrir el PDF)

 (abrir el PDF)

Comparaisons 1439-1492 (via MEDITE)