“MEDIEVALGIS”
TOLEDO: ESPACIO y TIEMPO.
www.medievalgis.eu
contact@medievalgis.eu
código parcela:
3614 – código casa: Q-4
J.P.2020 –
Colegio de Infantes, plaza del. N° 11.
CH_QO_04 *1439
Imagen , (54) 162, Fol. v: La bodega que esta Junto con el baño tienela çenso don pero Alfonso abad de sant viçente por veynte maravedis.
En nueve de Jullio Año de 1439 Años fue deslindada esta bodega por Juan gonçales cornejo canonigo e Juan dias rraçionero e mayordomos de la eglesia de Toledo. Et ha por linderos de cada parte calles. Et ha en luengo dies varas e media e en Ancho quatro varas. Et ensomo un suelo de su tamaño partido en quatro partes esta bodega tiene debaxo dos puertas a la calle e el suelo de Arriba tiene una puerta a la calle. Item tiene esta bodega Junto Asy un solar e sale A el la una de las dichas puertas. Testigos bartolome gonçales e Alvaro de avila capellanes de la dicha iglesia.
(firmado) Ludovicus Luppi apostolico ordinario notario.
CH_QO_04 *1492
Las casas que tiene Bartolome de Palençia a tributo por nueveçientos mrs. e un par de gallinas. Han por linderos las calles reales. Tienelas por su vida e non mas, porque las heredo de su padre Bartolome de Palençia e de su madre./f° 73 v°/
En quatro dias del mes de mayo del dicho anno de noventa e un annos los venerables sennores Cristoval de Villaminaya e Alvar Peres de Montemayor canonigos e vesitadores de las posisiones de la santa yglesia de Toledo deslindaron estas casas. Fallaronse en ellas un corral en que ay veynte e ocho varas en largo e veynte e una en ancho. Ay mas un palaçio que tiene dies e siete varas en largo e ocho en ancho. Ensomo deste dicho palaçio ay una camara de al tanto. Que fueron testigos Diego de Obregon criado del dicho sennor Alvar Peres e Ferrando de Sant Marcos. (signé) Juan de Mayorga notario apostolico.
Comparaisons 1439-1492 (via MEDITE)