Las casas (OO_06 y OO_15) se linda, Página 85, verso

ACT- Becerro 1799, de folio 52

Otras casas en una calle que rebuelbe desde la del Potro, entrando por la Puerta Visagra, y va a salir a la calle empedrada vajando a la mano derecha, y alindan por el lado de arriva con casas de los capellanes del coro, que vive Agustín López, pinto de açulejos, y por el de avajo con casas del licenciado Phelipe Martínez, cura de Villasequilla de Yepes, y por delante la dicha calle.

Tubo estas casas Francisco López, tejedor y, Pedro de Almora, tejedor de terciopelo, por cuya muerte y no haver nombrado la última vida, se remataron en […] Hernando de Morales, cordonero.

Anotaciones margen izquierdo:

Hernando de Morales, cordonero

VI pares de gallinas

Anotaciones margen derecho:

III mil maravedíes

CH_OO_15 *1439 

Las casas que solia tener pascual sanches de çedillo tienelas pero gonçales befri por preçio de quinientos e çinquenta e çinco maravedis e tomolas en dies e ocho dias de febrero Año de 28 Años.

En 23 de mayo Año de 1439 Años fueron deslindadas estas casas por Juan gonçales cornejo canonigo e mayordomo de la eglesia de toledo. Et han por linderos de la una parte bodega de santo domingo el rreal e de la otra bodega de luys Alfonso hamete. Et tiene en la entrada un portal que ha en luengo quatro varas e terçia e en Ancho tres varas. Et ensomo esta una camara que ha en luengo seys varas e en Ancho tres varas. Et çerca della un andor que sale a la calle que ha en luengo dies varas e una en Ancho. Et luego esta un patin e A la mano esquierda del esta un establo que ha en luengo çinco varas e en Ancho quatro varas e terçia. Et ensomo del una camara de su tamaño. Et luego esta un portal que ha en luengo ocho varas e media e en Ancho tres varas. Et ensomo del tiene otro portal de su tamaño. Et Adelante esta un palaçio que ha en luengo nueve varas e en Ancho quatro varas. Et ensomo del una camara de su tamaño. Et dentro deste palaçio esta una camara pequeña que ha en luengo quatro varas e terçia e en ancho tres varas e terçia. Et debaxo deste palaçio esta un sotano de su tamaño. Et delante deste palaçio esta un portal que ha en luengo quatro varas e en Ancho dos varas. Et ensomo del otro portal de su tamaño. Testigos Juan dias rraçionero e diego de vargas.

(firmado) Ludovicus Luppi apostolico e ordinario notario.

CH_OO_15 *1492

Las casas del meson que solia tener Gonçalo de Pereda e agora las tiene Alfon de Carmona por presçio en cada un anno de dos mill e quatroçientos Lxxiii mrs. han por linderos de la una parte casas de Ferrant Gomes e de la otra parte casas de Juan de Velasco clerigo./f° 65 r°/

En veynte dias del mes de abril del dicho anno de noventa e un annos los venerables sennores Cristoval de Villaminaya e Alvar Peres de Montemayor canonigos e vesitadores de las posisiones de la santa yglesia de Toledo deslindaron estas casas e tienen dos puertas prinçipales a la calle en entrando por la una tienen un portal e un patin que tiene catorse varas en largo e siete e media en ancho con la tendesuela que esta a la otra puerta, tienen un palaçio a la mano ysquierda que tiene dies varas en largo e tres e media en ancho e dentro del un retrete que tiene çinco varas en largo e tres e terçia en ancho, tiene ensomo de todo esto tres camaras e un corredor de al tanto como lo debaxo eçepto el retrete que non tiene soberado, asy mismo debaxo desta dicha casa ay establos de tamanno de la tienda e del palaçio e del portal. Que fueron testigos Diego de Obregon e Françisco de Narbaes criados del dicho sennor Alvar Peres e Ferrando de Sant Marcos. (signé) Juan de Mayorga notario apostolico.

SD_ OO_116_1460

SD-116, ANH Clero, Libro 15118

Medidas de casas de Santo Domingo el Real de Toledo (1460)

Yten tyene el dicho monestero debaxo de las vistas del dicho monesterio en el arraval dos suelos quedio al monesterio Martin Alfonso barvero, los quales dichos dos suelos non se puede medir fasta que se cubran los çimientos por que se vea por donde va la anchura dellos, los quales alindan con otro suelo que disen la huerta que es del dicho monesterio.     [rien en marge]

SD_ OO_119_1460

SD-119

Yten dos tyendas juntas una con otra que son en el dicho arraval, en la calle real que va a la puerta de Visagra, frontero de la dicha eglesia de Santiago, las quales solia tener a tributo del dicho monesterio Martin Alfon barvero, las quales dichas tiendas vienen ençima de las casas que tiene a tributo del dicho monesterio la muger de Pero Gutierres batidor e alindan con las dichas casas e de la otra parte con tienda de Johan Gonçales cardador, en las quales dichas/f° 40 v°/tyendas ay en la una primera que alinda con la dicha tyenda del dicho Johan Gonçales cardador quatro varas e dos terçias en luengo e en ancho tres varas e media, e en la otra tyenda ay en luengo seys varas e en ancho tres varas e delante destas dichas dos tyendas esta un portal de largura tanto somo son amas a dos las dichas dos tyendas, el qual es cubierto e sale en ancho fasya la calle sobre pies fasta do cahen la gotera del tejado dos varas e media e estas dichas tiendas e portal esta sensillo e las aguas del portal corren a la calle e las de las tyendas sobre las dichas de la dicha muger de Pero Gutierres batidor que tiene a tributo del dicho monesterio.   [rien en marge]

SD_ OO_120_1460

SD-120, ANH Clero, Libro 15118

Medidas de casas de Santo Domingo el Real de Toledo (1460)

Yten otras casas en el dicho arraval en linde de las suso dichas, en la dicha calle real, frontero de la dicha eglesia de Santiago, las quales tyene a tributo del dicho monesterio perpetuas Catalina Gutierres muger de Pero Gutierres batidor por tresientos e çinquenta mrs. e tres gallinas cada anno, por vida suya e de un fijo o fija, e de la otra parte alindan con casas de Alfon Santos e de la otra parte con casas de Johan Gonçales cardador, en las quales dichas casas ay una entrada de portal luego a la puerta que es de luengo ocho varas e de ancho tres varas e una terçia, e esta dicha entrada tiene una camara ençima de la largura e anchura del dicho portal, e debaxo del dicho portal esta un sotano que se manda por la camme e por de dentro de casa, el qual es tamanno como el dicho portal de largura e anchura, e ençima de la puerta del dicho sotano que sale a la calle esta un portal que viene ante la puerta de la entrada de las dichas casas e de la entrada del dicho sotano e llegan a los portales de las casas del dicho monesterio de la anchura de los dichos portales. Yten ay mas en las dichas casas como entran en ellas a la mano derecha una bodega que viene debaxo de las dichas tiendas del dicho monesterio que solia tener el dicho Martin Alfon, la qual bodega se manda por las dichas casas e por la dicha puerta/f° 41 r°/del sotano que sale a la calle e ay en ella seys varas en luengo e en ancho dos varas e media. Yten ay un portal que es a la deçendida del patyn de la casa e delante de la dicha bodega en el qual ay en luengo quatro varas e terçia e en ancho fasya el patyn çinco varas. Yten ay mas a par de la dicha bodega dentro en el portal una casilla que viene eso mesmo debaxo de las dichas casas que solia tener del dicho monesterio Martin Alfon barvero, en la qual ay en luengo quatro varas e seysma e en ancho dos varas e dos teria tener del dicho monesterio Martin Alfon barvero, en la qual ay en luengo quatro varas e seysma e en ancho dos varas e dos terçias. Yten ay un portal frontero como entran con una camara ençima del, en el qual ay de luengo tres varas e dos terçias e en ancho tres varas e media. El portal e la camara es todo de una anchura e largura e en el patyn de casa ay en luengo  tres varas e dos terçias e en ancho otras tres varas e dos terçias e entra en ello la gordura del escalera. E estovo presente a esta vista e medida la dicha Catalina Gutierres.         cccL ¯.  iii gs

Comparaisons 1439-1492 (via MEDITE)