aCH_DO_14 *1439

La quadra camara e tienda que solia andar con las casas suso dichas que tiene el dicho pero martines canonigo fueron designadas el suso dicho dia por los dichos pero gonçales canonigo e Juan diez rraçionero por ante mi el dicho Juan gonçales canonigo e notario. Et estan en ella primeramente en la entrada alta una casa tienda con dos puertas en que ha syete varas en luengo Et ensomo della una camara de esa mesma longura e de yuso della un establo de esa mesma longura. Et de dentro della una quadreta que es ensomo de la portada de la casa del dicho pero martines canonigo que ha en luengo en lo mas luengo syete varas e en ancho çinco varas. Testigos los dichos alfonso ortiz thesorero e diego martines capellan. Tiene esta tienda Juan gonçales gallego e leonor gonçales.

(firmado) Iohanes martinus notario Canonicus Toletanus.

(En el margen izquierdo, en otra letra) Anton ximenes[i].

bCH_DO_14 *1492c

Las casas tienda que tiene Bartolome Ximenes carpintero[ii] que es al esquina de las Tiendas Nuevas por su vida por presçio de mill e trezientos mrs. e tres pares de gallinas.

En xxiii dias del dicho mes de março del dicho anno de noventa e dos annos los dichos sennores vesitadores de las posisiones de la santa iglesia de Toledo en presençia del notario e de los testigos ynfra escriptos vesitaron estas casas e fallose en ellas en la entrada una casa tienda con dos puertas en que ay siete varas en luengo e ensomo una camara de su tamanno, e debaxo un sotano del mismo tamanno e dentro della /f° 25 v°/ esta una quadreta que es ensomo de la portada de la casa que era de Diego Delgadillo canonigo que tiene agora el bachiller Pedro de Toledo que ay en lo mas luengo siete varas e en ancho çinco varas. De que fueron testigos los dichos Diego de Obregon e Françisco de Morales criados de los dichos sennores. (signé) Juan de Mayorga notario apostolico.

[i] (En el margen izquierdo, en otra letra) Anton ximenes.

[ii] Bartolome Ximenes carpintero

 (abrir el PDF)