Cohonbros

Es una casa que esta dentro del “adarve de los Cogonbros”,  Esta situada en la colación de S. Juan de la Leche, la localisa en la manzana del Palacio Arzobispal.. esta casa linda la casa VO_03,

CH_VO_03 *1439 

Las casas que tenia toribio ferrandes tienelas Juan gonçales pericon por preçio de seteçientos e noventa maravedis e tomolas en 25 dias de otubre Año de 32 Años.

En 16 de mayo Año de 1439 Años fueron deslindadas estas casas por Juan dias rraçionero e mayordomo de la eglesia de toledo. Et ha por linderos de cada parte casas de la eglesia. Et tiene en la entrada un portal en el qual esta un lagar el qual portal ha en luengo syete varas e en Ancho seys varas. Et ensomo del un patin ladrillado. Et en fruente de la puerta esta un palaçete pequeño que ha en luengo quatro varas e media e en Ancho tres varas e media. Et A la mano derecha del dicho portal una bodega çerca del dicho lagar que ha en luengo syete varas e en ancho seys varas e media. Et en esta bodega esta otra bodega que ha en luengo çinco varas e en Ancho quatro varas. Et ensomo de la primera bodega esta una camara cosina de su tamaño. Et en fruente de la puerta prinçipal esta una escalera çerca la qual esta un portal comedor que ha en luengo seys varas e media e en Ancho dos varas e media. Et ensomo del una camara de su medida. Et çerca deste portal esta una camara que ha en luengo ocho varas e en ancho quatro varas e media. Et ensomo della otra camara de su medida. Testigos Alvaro de avila capellan e Juan gonçales pericon.

(firmado) Ludovicus Luppi apostolico e ordinario notario.