“MEDIEVALGIS”
TOLEDO: ESPACIO y TIEMPO.
www.medievalgis.eu
contact@medievalgis.eu
código parcela:
3135 – código casa: AD_33
J.P.2020 –
Cuatro calles. N°2. (Antes N°41).
CH_ AC _33 *1439
El meson que solia tener maria gonçales muger de Alfonso peres correro tienelo giralte çapatero por preçio de mill e çient maravedis e tomolo en primero dia de mayo Año de 22 Años.
Fol. 58r: En veynte e ocho de Abril Año de 1439 Años fueron deslindadas estas casas por Juan dias Raçionero e mayordomo de la eglesia de toledo e ha por linderos de la una parte casas de la eglesia e de la otra casas del Abad de sant viçente. Et tienen en la entrada dos puertas que sallen A la calle. Et ha en el portal que toma las dichas puertas en luengo seys varas e en Ancho çinco varas. Et ensomo deste Portal tiene dos suelos uno sobre otro que ha en cada uno en luengo seys varas e media e en Ancho seys varas menos quarta. Testigos diego garçia capellan e ferrand lopes montero calçetero.
(firmado) Ludovicus Luppi apostolico e ordinario notario.
CH_AD_33 *1492
Las casas que tenia Ferrand Lopes montero, tienelas agora Garçia Lopes su fijo por tres vidas por presçio de dos mill e tresientos mrs. e tres pares de gallinas. Han por lynderos de la una parte casas de la santa yglesia e de la otra casas tributarias al abadya de Sant Viçente.
En xx dias del dicho mes de junio del dicho anno de noventa e un annos los venerables sennores Cristoval de Villaminaya e Alvar Peres de Montemayor canonigos e vesitadores de las posisiones de la santa yglesia de Toledo deslyndaron estas casas e tienen dos puertas a la calle e la una dellas es tienda. Ay en lo baxo de entramas seys varas e media en largo e çinco en ancho. Tiene un soberado en que ay seys varas e media en largo e seys en ancho e sobre el otros dos soberados de su tamanno. De que fueron testigos Diego de Obregon e Diego Serrano criados del dicho sennor Alvar Peres. (signé) Juan de Mayorga notario apostolico.
Comparaisons 1439-1492 (via MEDITE)