CH_AD_41 *1492

Las otras casas debaxo destas a la otra parte del cobertiso que solia tener Françisco de Ocanna, tienelas agora Françisco de Ecija por vida suya e de su muger e de un fijo por presçio de tres mill e quinientos mrs. e siete pares de gallinas. Han por lynderos de la una parte casas tributarias a la santa yglesia que tiene Lorenço tannedor e el esquina de la calle nueva e de la. otra parte casas tributarias a Sant Andres./f° 117 v°/

En xxi dias del dicho mes de junio del dicho anno de noventa e un annos los venerables sennores Cristoval de Villaminaya e Alvar Peres de Montemayor canonigos e vesitadores de las  posisiones de la santa yglesia de Toledo deslindaron estas casas e fallose en ellas una tienda que tyene quatro varas e media en largo e quatro e media en ancho con dos soberados ensomo de su tamanno. Tiene delante un patin ladrillado en que ay seys varas en largo e quatro e media en ancho con sus corredores a la redonda en entramos soberados e con puerta a la calle nueva. Tiene un palaçio frontero en que ay seys varas en largo e quatro en ancho e asy mismo puerta a la calle con dos soberados ensomo de su tamanno. Tiene esta casa un sotano del tamanno de lo de abaxo. De que fueron fueron testigos Diego de Obregon e Diego Serrano criados del dicho sennor Alvar Peres. (signé) Juan de Mayorga notario apostolico.

 (abrir el PDF)

[1] PASSINI, Jean. 2004, pp154-155