Cohonbros

aCH_ UO_01 *1439

La tienda que esta A las espaldas de la claustra tienela maestre ally çapatero [i]por preçio de quinientos maravedis e tomola en veynte e un dias de mayo año de veynte e uno.

En seys de Jullio año de 1439 años fue deslindada esta tienda por Juan dias rraçionero e mayordomo de la eglesia de toledo. Et ha por linderos de la una parte Casas de la eglesia e de la otra parte la claustra. Et esta partida en tres partes con tres puertas a la calle e ha en luengo diez varas e media e en ancho çinco varas e media. Et ensomo una camara de su tamaño. Testigos bartolome gonçales e Alvaro de avila capellanes.

(firmado) Ludovicus Luppi apostolico e ordinario notario.

bCH_UO_01*1492

Las casas que solia tener maestre Ali çapatero[ii], tienelas agora Alfon de Beserril e Juana Ruys su muger por su vida e de un heredero qual nonbraren por presçio de mill e çient mrs. e çinco pares de gallinas. Han por linderos de la una parte casas de la iglesia e de la otra parte la caostra.

En dies e ocho dias del mes de mayo del dicho anno de noventa e un annos el venerable sennor Alvar Peres de Montemayor canonigo e vesitador de las posisiones de la santa yglesia de Toledo deslindo estas casas e fallose en ellas un portal de seys varas en luengo e en ancho çinco varas con una camara ensomo de al tanto. Que fueron testigos Anton de Mesa criado del sennor Cristoval de Villaminaya e Diego de Obregon criado del dicho sennor Alvar Peres. Esto conçierta con el libro viejo. (signé) Juan de Mayorga notario apostolico.

[1] http://psig.huma-num.fr/medievalgis/ResultsMedite/maison-CH_UO_01.html

[i] maestre ally çapatero

[ii] maestre Ali çapatero