“MEDIEVALGIS”
TOLEDO: ESPACIO y TIEMPO.
www.medievalgis.eu
contact@medievalgis.eu
código parcela:
5804– código casa: BJ_02
J.P.2020 –
San Cristobal Plaza S/N (desap)
CH_BJ_02 *1492
Las casas que solia tener Catalina Alvares muger de Luys Ferrandes solador, tienelas agora Diego de Leon por trezientos mrs. e un par de gallinas de çenso. Ha por linderos de la una parte casas tributarias al ospital las quales tiene el dicho Diego de Leon e de la otra parte casas de la muger del regidor Juan de Cordova, que Dios aya.
En xi dias del dicho mes de novienbre del dicho anno de noventa e un annos el venerable sennor Cristoval de Villaminaya vesitador de los posisiones de la santa iglesia de Toledo e por ante mi Alvar Peres de Montemayor notario apostolico canonigos en la dicha santa iglesia e ante los testigos de yuso escriptos deslindo estas casas e fallose en ellas en la entrada una casa puerta en que ay ocho varas en largo e seys e media en ancho con otro soberado ensomo de su tamanno e otro debaxo de al tanto con puerta calle que sale a la plaça del alamillo, tiene mas en el soberado de en medio un corredor que tiene ocho varas en largo e una e media en ancho. De que fueron testigos Diego de Obregon e Françisco de Sant Roman criados de los dichos sennores. (signé) Juan de Mayorga notario apostolico.