Cohonbros

CH_VO_05 *1439 

Las casas que tenia Juan ferrandes del sagrario tienelas maria gonçales muger de martin Ruys por preçio de dosientos maravedis e tomolas en primero dia de enero Año de 16 Años.

En 16 de mayo Año de 1439 Años fueron deslindadas estas casas por Juan dias rraçionero e mayordomo de la eglesia de toledo. Et ha por linderos de cada pa de la eglesia. Et tiene en la entrada un portal que ha en luengo çinco varas e media en Ancho tres varas, Et ensomo del una camara que ha en luengo syete varas e en Ancho tres varas e dos terçias. Et luego tiene un patin e en derredor sus corredorçillos. Et en fruente tiene un palaçio que ha en luengo seys varas e en Ancho tres varas e media. Et ensomo una cosina que ha en luengo quatro varas e en Ancho tres varas e ençima una açotea. Testigos Alvaro de avila capellan e rrodrigo de estrada.

(firmado) Ludovicus Luppi apostolico e ordinario notario.