aCH_DO_20 *1439

Las casas que solia tener alfonso lopez Raçionero tienelas nicolas gonçales capellan por preçio de quinientos e ocho maravedis e tomolas en catorze dias del mes de enero Año de 33 Años.

En onze de Jullio año de 1439 Años fueron deslindadas estas casas por Juan diez rraçionero e mayordomo de la eglesia de toledo e han por linderos de cada parte casas de la dicha eglesia. Et tiene en la entrada un portal que ha en luengo çinco varas e quarta e en ancho tres varas. Et ensomo una camara que ha en luengo nueve varas e en ancho tres varas. Et toma la entrada de las casas debaxo. Item adelante un patin e frontero un palaçio que ha en luengo siete varas e en ancho tres varas e dos terçias e ensomo una camara de su tamaño. Item a la mano esquierda del dicho patin esta otro palaçio que ha en luengo çinco varas e en ancho tres varas e media. Et çerca deste esta otro palaçio desta mesma longura e anchura. Testigos nicolas gonçales e Juan sanches de vargas capellanes.

(firmado) Ludovicus Luppi apostolico ordinario notario.

(En el margen izquierdo, en otra letra) Juan de torralva.[i]

bCH_DO_20 *1492

Las casas que son a la rinconada del Poso Amargo que tenian Gonçalo de Huete e Juan de Torralva [ii]su hermano por vida de amos, tienelas agora Diego Flores sedero por su vida e de su muger e de un fijo por presçio de dos mill e trezientos mrs. e çinco pares de gallinas.

En ii dias del mes de abril del dicho anno de noventa e dos annos los sennores Cristoval de Villaminaya e Alvar Perez de Montemayor canonigos de la santa iglesia de Toldo vesitadores de loas posisiones de la dicha santa iglesia en presençia del /f°27 r°/ notario e de los testigos ynfra escriptos vesitaron estas casas e fallose en ellas en la entrada un portal que ha en luengo çinco varas e quarta e en ancho tres varas e ensomo una camara que ha en luengo nueve varas e en ancho tres varas, e toma esta camara la entrada de las casas de Sancho Ferrandes. Iten adelante esta un patin e frontero un palaçio que ha en luengo siete varas e en ancho tres varas e dos terçias e ensomo una camara de su tamanno. Iten a la mano ysquierda del dicho patin esta otro palaçio que ha en luengo çinco varas e en ancho tres varas e media e çerca deste esta otro palaçio desta mesma longura e anchura. De que fueron testigos los dichos Diego de Obregon e Françisco de Morales criados de los dichos sennores. (signé) Juan de Mayorga notario apostolico.

[i] (En el margen izquierdo, en otra letra) pedro de toledo bachiller.

[ii] Juan de Torralva

 (abrir el PDF)

Comparaisons 1439-1492 (via MEDITE)