“MEDIEVALGIS”
TOLEDO: ESPACIO y TIEMPO.
www.medievalgis.eu
contact@medievalgis.eu
código parcela:
3157– código casa: N-6
J.P.2020 –
Nuncio viejo calle del n°9 * parte al clj.(de los San Pedro)
aCH_NO_06 *1439
Las casas e bodega que dizen de manjacoles tienelas pero gonçales trapero por preçio de seysçientos maravedis e tomolas en postrimero dia de febrero Año de 25.
Imagen 47:
Fol. 27v: En 16 dias de mayo Año de 1439 Años fueron deslindadas estas casas por Juan gonçales cornejo canonigo e Juan dias rraçionero e mayordomos de la eglesia de toledo e han por linderos de la una parte casas del dicho pero gonçales e de la otra parte casas de ferrand lopes de la palanca. Et tiene en la entrada un portal fasta el pozo el qual es manantio que ha en luengo nueve varas e en Ancho dos varas. Et ensomo tiene una camara que ha en luengo seys varas e de la Anchura del dicho portal. Et luego tiene un patin e çerca del dicho pozo tiene un palaçio que ha en luengo diez varas e en ancho quatro varas. Et ensomo del una camara que ha en luengo ocho varas e en ancho quatro varas. Et çerca della una camara pequeña que ha en luengo dos varas e de la Anchura del dicho palaçio. Et çerca deste dicho palaçio esta otro palaçio que ha en luengo seys varas e media e en Ancho tres varas. Et ensomo del una camara que ha en luengo dies varas e en Ancho tres varas. Et çerca deste palaçio esta un portal con una tienda de tener paños que ha en luengo en todo ocho varas e terçia e en Ancho quatro varas e terçia. Et ensomo del dicho portal esta una cosina que ha en luengo syete varas e dos terçias e en Ancho tres varas. Et ensomo una açotea descobierta. Testigos Alvaro de avila capellan e el dicho pero gonçales trapero.
(firmado) Ludovicus Luppi apostolico e ordinario notario.
bCH_NO_06 *1492
Las casas que solia tener Pedro Martines batidor, tienelas agora Martin Lopes entallador a çenso por presçio de ochoçientos e ochenta e dos mrs e medio., linderos casas de Gonçalo Sorje e de Gutierre Garçia.
En quatro dias del mes de março del dicho anno de noventa e un annos los venerables sennores Cristoval de Villaminaya e Alvar Peres de Montemayor canonigos e vesitadores de las posisiones de la santa yglesia de Toledo deslindaron estas casas e tyenen en la entrada un portal fasta el poso el qual es manantio que ha en luengo nueve varas e en ancho dos varas e ensomo /f° 59 r°/ tiene una camara que ha en luengo seys varas e de la anchura del dicho portal e luego tiene un patin e çerca del dicho poso tiene un palaçio e ha en luengo dies varas e en ancho quatro varas e ensomo del una camara que ha en luengo ocho varas e en ancho quatro varas e çerca della una camara pequenna que ha en luengo dos varas e de la anchura del dicho palaçio e çerca deste dicho palaçio esta otro palaçio que ha en luengo seys varas e media e en ancho tres varas e ensomo del una camara que ha en luengo dies varas e en ancho tres varas, e çerca deste palaçio esta un portal con una tienda de tener pannos que ha en luengo en todo ocho varas e terçia e en ancho quatro varas e terçia e ensomo del dicho portal esta una cosina que ha en luengo siete varas e dos terçias e en ancho tres varas e ensomo una açutea descubierta. Que fueron testigos Diego de Obregon e Françisco de Narbaes criados del dicho sennor Alvar Peres e Ferrando de Sant Marcos. (signé) Juan de Mayorga notario apostolico.
Comparaisons 1439-1492 (via MEDITE)