aCH_ AX_07 *1439

El meson que tenia Juan Rodrigues Alcallde tienenlo en çenso los herederos de gutierre gomes cada Año por preçio de çient maravedis e tomolo en ………… (espacio en blanco).

(En el margen izquierdo, en otra letra) gutierre gomes.[i]

Fol. 86r: En 8 de Agosto Año de 1439 Años fue deslindado este meson por Juan gonçales cornejo canonigo e Juan dias Raçionero e mayordomos de la eglesia de toledo. Et ha por linderos de la una parte casas de la dicha eglesia e de la otra casas de herederos de gutierre gomes. Et ha en luengo dies e siete varas e media e en lo mas Ancho seys varas. Et Adelante esta un Corral que ha en luengo quinse varas e en Ancho Catorse varas. Item A la mano esquierda deste corral esta un establo fecho tres calles que ha en luengo la primera nueve varas e en Ancho quatro varas. La segunda ha en luengo nueve varas e en Ancho quatro varas. La postrimera ha en luengo nueve varas e en ancho tres varas. Testigos bartolome gonçales capellan e Alfonso gonçales de la fuente notario.

(firmado) Ludovicus Luppi apostolico e ordinario notario.

bCH_AX_07 *1492[1]

Las casas meson que tenia Juan Gonçales alcalde, tyenelas Gutierre Gomes[ii] por presçio de çient mrs. para sienpre. Ha por linderos de la una parte casas de la santa yglesia e de la otra casas de Ferrando de la Madera.

En xxix dias del dicho mes de jullio del dicho anno de noventa e un annos, los venerables sennores Cristoval de Villaminaya e Alvar Peres de Montemayor canonigos e vesitadores de las posysiones de la santa yglesia de Toledo deslindaron estas casas e fallose en ellas en el portal dies e siete varas e media en largo e seys en ancho e adelante esta un corral en que ay quinse varas en largo e catorse en ancho e a la mano ysquierda del esta un establo fecho tres calles en que ay en la primera nueve varas en largo e quatro en ancho e en la segunda nueve varas e quatro en ancho e en la postrera ay nueve varas en largo e tres en ancho. De que fueron testigos Diego de Obregon e Diego Serrano criados del dicho sennor Alvar Peres. (signé) Juan de Mayorga notario apostolico. /f° 176 r°/

[1] http://psig.huma-num.fr/toledo/liste-des-rues/magdalena-calle/magdalena-calle-de-la-n2/

[i] (En el margen izquierdo, en otra letra) gutierre gomes.

[ii] Gutierre Gomes

 (abrir el PDF)

Comparaisons 1439-1492 (via MEDITE)