“MEDIEVALGIS”
TOLEDO: ESPACIO y TIEMPO.
www.medievalgis.eu
contact@medievalgis.eu
código parcela:
3149– código casa: SD-38
J.P.2021 –
Martín Gamero, calle. N°17
Sant Domingo el Real en 1460, esta casa linda la casa CH_AD_38 del cabildo
**** $0001$ *SD_CC_38 *1460
SD_SP_38
Yten unas casas en la calle de la Correria que fueron de Alfonso Gonçales Castellano trapero, que Dios aya, e tyenenlas agora sus herederos por mill mrs. cada anno, las quales son del dicho monesterio e poseenlas Elvira Alfonso de Torres e Catalina Alvares de Torres monjas del dicho monesterio, en las quales casas ay en la casa puerta de entrada con un palaçuelo do estan las troxes, ovo de largo dose varas e dos terçias e en ancho quatro varas e media en lo frontero de dentro e en la entrada de la puera tres varas e media e debaxo desta entrada esta un sotano que viene debaxo del dicho palaçio de los troxes en que ay en luengo quatro varas e quarta e de ancho tres varas e en el suelo de en medio destas dichas casas alto, ay un patyn pequenno en que ay en luengo çinco varas e media e en ancho quatro varas e media, e a la una puerta como suben a la mano ysquierda ay un palaçio en que ay en el hueco del siete varas e tres quartas e en ancho quatro varas e terçia e de la otra de a man derecha esta una quadra que sale a la calle de la correria, en que ay en luengo quatro varas e terçia e en ancho tres varas e çinco seysmas e ençima deste suelo esta otro suelo en que ay otras tales pieças de la mesma anchura e longura que suso dise ençima de la quadra esta una açutea e non reçibe aguas ningunas esta casa salvo en el açutea que reçibe aguas de las casas de Gonçalo de la Rua. i V
/f° 10 r°/